لم نكن وحيدين عند ذلك الباب

بخجل تقولها: "تفضل"...
على عجل تلملم ثيابا مبعثرة في أرجاء المكان وهي تعتذر للمرة الألف عن هذه الفوضى الرائعة....
"سنشرب القهوة" وتحاول إخفاء الغصة تحت ابتسامة مصطنعة....
(أنا لحبيبي وحبيبي إلي) تصدر عن هاتفها الخلوي مصحوبة برجة خفيفة تداعب مؤخرتها، فتستل هاتفها من جيبها الخلفي:
"اي ماما أنا بكرا جايي"
تصفعني هذه الكلمة...
تجرحني... تمزقني... ترميني في العذاب...
أرسل عيوني في كل زوايا الغرفة علها تسرق لي شيئا من المكان أبقيه معي لأعيش به وأموت به.
على الحائط المقابل تقبع ورقة صفراء بصمت، فقد أنهت مهمتها بالإفصاح عن برنامج الإمتحانات،
يبتسم لي (ديفيد بيكهام)...
وتغمزني (أنجلينا جولي) بعينها اليمنى وهي تمد لسانها لسبب يجهله حتى المصور...
(براد بيت) و(مهند) يتجاهلاني تماما...
ويربت (جورج كلوني) على كتفي بحنان أبوي. 
...
سأشتاق لها كثيرا...
وستشتاق لها كل الدباديب الراقدة على السرير...
ستفتقدها القطة البيضاء ذات القلب الأحمر فلمن بعد الان ستقول "I love u"عندما يضغط زرها...
ستشتاق صبحيات نسوة الحي إلى فقرتها اليومية ومادتها الدسمة:
فتاة جميلة، تسكن وحدها، ويوصلها كل يوم إلى البيت شاب يقف معها طويلا أمام الباب،
...
صينية القهوة في يدها اليسرى وفي الأخرى طاولة صغيرة
تضع يدها على صدرها وهي تصب القهوة لتمنع كنزتها من الإنحسار عن بياض نهدين طالما اشتهيتهما...
أتفنن في إخراج سيجارة من العلبة وأرميها في فمي بعد الشفة الأولى من الفنجان
أدخن السيجارة ببطء مفتعل وتمر الدقائق دون كلام.
"علي الرحيل" تمزق صمت الغرفة وأنا أقف متثاقلا
ألتفت ورائي وأنظر إليها بارتباك وهي تقف على بعد متر واحد وكلمة حب واحدة
"بحبك" وترمي نفسها على صدري ليتوقف الوقت عن الإزعاج
ولنقف أنا وهي جسدان متلاصقان... شفاه متعانقة... وألف قطرة حزن
لم نكن وحيدين عند ذلك الباب...
كنا أنا وهي...
لم نكن اثنين...
كان الحب ثالثنا...
كان الله ثالثنا...
كانت كل أغاني فيروز، وكل كلمة شعر،
وكل سماء.. كل عصفور.. كل زهرة ثالثنا
كان الحب ثالثنا ...
كان الحب ثالثنا...

بنت عمرا 16 سنة كتبيتا قبل ما تنام

عم امزح

باسل سلوم 

باسل الله يوفقك

من حسن الى احمد

عفوا من حسن الى احسن

أحلى أبو السوس ..

حلوة كتير كتير كتير ..

والنهفة بالأخير (16 سنة - وقبل ما تنام) عظيمة .. يعني أجت بوقتها ..

على كلٍّ .. في مجموعة من التراكيب الرائعة:

  -  "الفوضى الرائعة"

  -  "على بعد متر واحد وكلمة حب واحدة"

  -  "ليتوقف الوقت عن الإزعاج"

والوصف الجميل:

  -  "صينية القهوة في يدها اليسرى وفي الأخرى طاولة صغيرة"

  -  "أتفنن في إخراج سيجارة من العلبة وأرميها في فمي بعد الشفة الأولى من الفنجان" (شهيتني الدخان)

  -  "ستشتاق صبحيات نسوة الحي إلى فقرتها اليومية ومادتها الدسمة"

حلوين كتير باسل .. موفق

آآآآآآآآآآآآآآه يا معلم

و كمان آآآآآآآآآآآآآآآه

و الله و الله بتجنن

التفاصيل كتير حلوة و واقعية و سلسة

 ...
سأشتاق لها كثيرا...
وستشتاق لها كل الدباديب الراقدة على السرير...
ستفتقدها القطة البيضاء ذات القلب الأحمر فلمن بعد الان ستقول "I love u"عندما يضغط زرها...
ستشتاق صبحيات نسوة الحي إلى فقرتها اليومية ومادتها الدسمة:
فتاة جميلة، تسكن وحدها، ويوصلها كل يوم إلى البيت شاب يقف معها طويلا أمام الباب،
...روعة.....روعة

 باسل عظمة على عظمة

رائعة هالقصة

الله يخلي هالبنوتة شو مبدعة

عم امزح

إنت شو مبدع  

أتفنن في إخراج سيجارة من العلبة وأرميها في فمي بعد الشفة الأولى من الفنجان
أدخن السيجارة ببطء مفتعل

بهاد الوصف

كأني شايفتك  قاعد قدامي وعم اتدخن وتشرب قهوة

وصف عظيم

شو هيدا يامعلم...........متلك ما قلك بشار من حسن الى أحمد ههههههههه

لم نكن اثنين...
كان الحب ثالثنا...
كان الله ثالثنا...
كانت كل أغاني فيروز، وكل كلمة شعر،
وكل سماء.. كل عصفور.. كل زهرة ثالثنا

وصف رائع...

بس اذا بتسمحلي أنو خالف بعض الأعضاء وقلك أنو بالقصص السابقة كان في احتراف اكبر وبعد أعمق....

شكرا ع كل مشاركاتك...دايما حلوة

اييييييييه العظمة دي

عظمة يا ست عفوا يا باسل

عنجد رائعة و واقعية الى ابعد الحدود

حبيبو لحبيب حبيبنا

كتيييير حلوة

موفق ابو البسل

القصة بتجنن،وأنا حبيتا كتير

بس رأيي متل رأي ميشا

بشار تسلملي كلك ذوق ولا تنسى إنو انت الأصل وبشرفني تكون رجعتك عن طريق التعليق ع قصتي كنت ناطر الرجعة من زمان 

بس مارح نرضى أنا ولا لاباقي الأعضاء تكون رجعتك لعرشك هيك لأ بدنا قصة جديدة  

 وائل شكرا كتير وبالنسبة للبنت اللي عمرا 16 سنة قلت هيك مشان أفل ع حالي قبل ماحدا يقفل عليي لأنو حسيت بالأخر في زخم بالمشاعر زيادة عن اللزوم وحسيت الشباب رح يقفلو عليي

 نغم شكرا ع كل شي بالمناسبة المقطع اللي اخترتي هوي المفضل عندي

وحبيت جملتك "التفاصيل كتير حلوة و واقعية و سلسة" ولك عمي مزوقة شو بدنا نعمل

إناس وأول تعليق انتي العظيمة وكلك ذوق

وتاني تعليق اشتقنا نقعد قعدات زمان وانا انجعص وحط اجر ع اجر واعميكن بدخاني

ايييييه والله زمان

 ميشا خدي راحتك قد مابدك بالنقد انا كلي اذان صاغية وبهمني رأيك وبتمنى بالايام اللي جايي ننسق سوى بهاد الموضوع واخد رايك حتى قبل ما نزلا

وانا بتفق معك بخصوص انو اللي قبلا فيا عمق اكتر

 خليل مشكور ع رايك وعلى خفة دمك وانتي حبيبنا ومشكور ع المشاركة

ليندا  انتي اللي بتجنني وبهمني رايك كتير وكمان ياريت ننسق سوى بالمرات اللي جايي

بالمناسبة أنا ناطر جديدك لنود

اخ تعبت.... انشاللة ماحدا يعلق لانو عندي دراسة

عم امزح شكرا للي علقو وللي بدن يعلقو 

حلوة كتير باسل ............... وواقعية اكيد لأنو وقت يلي قريتها  ... دمعوا عيوني ...........

ما بدي احكيلك كم مرة كنت بطل قصتك هي..... بس شكرا كتير  وانشله من احسن لأحسن

أدخن السيجارة ببطء مفتعل وتمر الدقائق دون كلام.
"علي الرحيل" تمزق صمت الغرفة وأنا أقف متثاقلا
ألتفت ورائي وأنظر إليها بارتباك وهي تقف على بعد متر واحد وكلمة حب واحدة
"بحبك" وترمي نفسها على صدري ليتوقف الوقت عن الإزعاج
ولنقف أنا وهي جسدان متلاصقان... شفاه متعانقة... وألف قطرة حزن

حبيبنا و رئيس كهنتنا باسل

فليذكرك الرب الاله في ملكه السماوي كل حين

الآن وكل أوان و الى دهر الداهرين

لينين

جون قطعتلي قلبي يازلمي طول بالك مافي شي محرز بسيطة ولو

أما طارق بدي قلك حاج تدعيلي منروح فيا بعدين(قد مانك مؤمن يعني) 

مشكورين انتو الجوز ع مساعيكن

بس في شغلة بدي قولا بشكل عام للكل إنو هي القصة وقت كتبتا قلت عنا انا قصة(دايت) خفيفة نضيفة

بس حبيتا قلت لحالي ياولد نزلا وشوف رأي هالمحبين

مشان هيك إذا حدا ماحبا ياريت ماتحاسبوني عليا لأن أنا ماني مراهن عليا اساسا 

انا شفتslow motion

وحبيتكن...

سلملي عليها

اتأخرت كتير بقرآتها حلوة كتير باسل وبنبقى منسق سوى منشان قصتك الجاي

بنت عمرا 16 سنة كتبيتا قبل ما تنام