حضرت نقاش بموضوع عمل المرأة خلاني فكر انو جد هل عمل المرأة بمجتمعنا يعتبر تسلية و ملئ لوقت الفراغ

أم هو عمل جاد و هاف و منتج...وما بقصد منتج من الناحية المادية

عم اقصد انو هل المرأة بعملا منتجة و الها مكانتها بالعمل "يا ريت ننظر للموضوع بشكل عام مو من بعض الامثلة الخاصة"

منلاقي انو غالب النساء هن فعلا عبء ع العمل وما عم يشكلو اعضاء فعالة بعملن..

انا طرحت ه الموضوع و غالبا ضمن مجال عملي بلاحظ انو الفعالية هي من سمات الرجل و المرأة هي اللي ما بتحاول تاخد المبادرة والدور الفعال..وهاد شي بيدايقني انا أولاً لأني بحب تكون النساء اكتر فعالية و تثبت وجودها أكتر..

يمكن صارت واضحة فكرتي..ما بدي طول بس حابة اسمع ارائكن...

ميشا متل مافي نساء بكون عبء ع العمل كمان بالمقابل في رجال عبء على عملون الشغلة مو انو يكون مرأة أو رجل الشغلة بترجع لنشاط الشخص و لحبو لعملو لانو في نساء كتير بارعين جدا في عملون حتى أحيانا عم يكونو بمراكز قيادية و عم يتقنوا العمل و بالمقابل كمان في نساء بيروحو ع شغلون لطق الحنك و الحكي و تيتي تيتي متل مارحتي متل ما جيتي لا بيفيدو حالون و لا بيفيدو غيرون و نفس الحكي بينطبق ع الرجال

أنا برأي الشخصي انو عمل المرأة ظاهرة صحية جدا لانو بينميلا فكرا و مواهبا و بيعبيلا وقتا بشي مفيد و بتحس حالا انا عضو فعال مانا عالة ع المجتمع

شكرا كتير ع الموضوع الحلو

شكرا نغم

بس ياريت تلاحظي نسبة الرجال الفعالين بعملن بالنسبة  للنساء

و هالشي بعتقد انو بيرتبط بالتربية بمجتمعنا انو المرأة مو هي المسؤولة عن العمل و هي شو ما اشتغلت يكتر خيرا

وغالب الاعمال المهمة تبنى ع أكتاف رجال و نسبة النساء لا تتعدى 2% و هاد الواقع مؤلم..

شو العمل.؟؟