صباح الخير عندي فحص ............ ......... ........جامعة
عبارة لطيفة تفتتح بها يومك المتمثل في تقدمك للأمتحان في الجامعة
حيث يبدأ نهارك بصوت موبايلك المزعج محاولا فض الأشتباك بين أجفانك الملتصقين ببعضهم ولايتم الفراق ألا بالأستعانة بالمياه (وكما تعرفون المي فراق)و
تنظر بالمرأة فيهولك المظهر كائن غريب بشعر أشعث و عيون منتفخة وووووو تفكر قليلا ثم تقول هذا حال الطلاب أيام الأمتحان
طبعا تلبس ثيابك وأنت تجمع النوطات وأسئلة الدورات والتوقعات والدفاتر والملخصات المتعلقة بالمادة المطلوبة .
ثم تبدأ بلم الوثائق والأوراق التي تثبت شخصيتك طبعا هذه الأوراق الثبوتية تختلف من مراقب لمراقب؟؟؟ فأحدهم يقبل بالبطاقة الجامعية والأخر يريد البطاقة و أخر وصل للتسجيل وأخر يريد البطاقة والهوية وأخر وصل وكل واحد بيتفنن على كيفو .
طبعا تخرج من المنزل والعفاريت تقفز في وجهك ونظرات الناس ترمقك بالعطف والشفقة (طبعا موديلك صار واضح شو أنته ولوين رايح ) وتقف بأنتظار ميكرو الأحلام طبعا قد تنتظر كثيرا ولكن لايهم فأنت قد أخذت أحتياطاتك كاملة في هذا الأتجاه بالخروج من المنزل قبل ساعتين من الوقت المحدد وبالفعل يقترب الميكرو منك بأشارت سائقه المعهودة التي ترمز أختصارا للبهدلة داخل الميكرو وعدم وجود كرسي خاص بك في الداخل طبعا أنت سوف تقبل على مبدأ ( قال شو جبرك على المر قلو الأمرر ) طبعا داخل الميكرو لح يكون شريط علي الديك وأمثالو يصدح عند الصباح عاملا أساسيا من عوامل التوتر والأضطراب وطبعا الشريط من النوع الرديئ .
يصل بك الميكرو الحنون ألى الجامعة الغراء طبعا على باب الجامعة بتشوف شخص على أساس هو لازم يكون من المحافظين على الأمن بس مهمتو مقتصرة على شغلتين أولا البصبصة على الصبايا والتانية هي الزلمنة على الشباب وطبعا هاد الزلمة بيكون على مستوى علمي كبير بيكون حامل بارودة ومابيعرف لايقرأ ولا يكتب ومو مهم طبعا لهلأ عقلك عم يحمل ضغط ضغط ضغط .
سيدي
بعد مافتنا وأنشلفنا من مكان لمكان ومن قاعة لقاعة عم ندور على توزيع الأسماء وأذا أنحظيت ولقيت أسمك لح يطلع بشي هنكار من الهنكارات (ملاحظة كلمة هنكار لاتستخدم للأستعمال البشري أنما مخصصة لغير شي وفهمكن كفاية لأنو بالصيف حريق وبالشتى غريق ) طبعا لبين ماتخلص كل هالشغلات أذا كنت معلم وخبير بالجامعة بيكون صار وقت الفحص .
بتدخل على هالهنغار وبتقول يارب وبتخترلك شي مقعد يكون عامل الأهتزاز فيو مو عالي يعني 2أو 3 على مقياس ريختر
وبيفوتو المراقبين أشكال وألوان ياريان طبعا أنته بتتعوذ من الشيطان من هالشوفة وبتقول ( الله يعمي عنا ) وبتبلش بقا لعبة الشطرنج بين المراقبين وبيشوطحو بهالطلاب شي يمين شي يسار وشي أبيض شي أسود وكونك الحلقة الأضعف ولأنو المراقب ماحب الكنزة تبعك وتجاكر لآنو الصبية جارتك بالمقعد عم تطلع عليها راح شلفك لأخر الهنغار ونفس الشي بيصير مع البنات يعني بتجي مراقبة فاتها القطار وبتتفشش بالصبايا وبتنقلهن شي يمين وشي شمال
طبعا ونتيجة للموقع تبعك لح تستلم ورقة الأجابة بعد ب5 دقايق من الوقت الحقيقي (لبين مايوصل المراقب المغوار )لعندك وطبعا لح تسلم ورقتك كمان قبل ب5 دقايق مشان مجموعة المراقبين يلحقو الفطور وهون أنته بتنتبه لهي الكارثة يلي أنت وقعت فيها وبتحاول تتفادى النتائج من خلال الأسراع بكتابة الحلول ولكن هيهات لأنو في سيمفونية العمال يلي برى ونقاشات المراقبين وكبسات رؤوساء المراكز ويعني شوية متفرقات متل :طالب مخربط مراقب عم يذكرك كل 5 دقايق بالوقت أو بمنع أستعمال القاموس أوالموبايل يعني كتير شغلات .
طبعا بعد كل هاد أنته بتكره حياتك وبتكره جامعتك وبتقول ببالك ماعد فيني مشان الله وبتسلم الورقة وبتطلع من كل هاد الجو المزعج
Tags: امتحان طلاب جامعة
