الملابس خلال فترة الحمل:
-
الطفل الأول: بتلبس أواعي الحمل من أول ما تعرف إنها حامل
-
الطفل الثاني: بتحاول تلبس أواعيها العادية لأطول فترة ممكنة
-
الطفل الثالث: أواعي الحمل هي أواعيها العادية اليومية
الاهتمام والعناية بالطفل:
-
الطفل الأول: كل دقيقة بتغيرله وبتخلي ريحته حلوة على مدار اللحظة
-
الطفل الثاني: كل ثلاث ساعات بتشمه وبتغيرله إذا كان عاملها بس
-
الطفل الثالث: بتغيرله لما ريحته تطلع
القلق:
-
الطفل الأول: إذا فلت من إيدها بالشارع ووقع ولو وقعة صغيرة بتركض عليه و بتشيله وبتلطم ع وشها وبتقله "يبعتلي حمى عليك يابنيي تقبرني انشالله صرلك شي وبتبوسله إيديه ورجليه"
-
الطفل الثاني: أصلاً ما بتكون ماسكة إيده هوي وعم يقطع الشارع بس كل دقيقتين بتطلع عليه وإذا وقع بتشيله بس إذا حست انه فيه سياره راح تدعسه وبتسفقه كف على إيده وبتقله "ولك انتبه وين عقلك ماكانت دعستك السيارة"
-
الطفل الثالث: بتكون هي ماشية ومو ساءلة فيه وهوي راكض وراها وما عم يقدر يلحقها وإذا تفركش ووقع بتقله "احسن..مشان تتربى.... خلي السياره تدعسك" وإذا نجا من السيارة بأعجوبة بتلطشه كفين على خلقته متل فراق الوالدين يعني إذا ما مات من الحادث بيموت من القتلة
نظافةالأكل:
-
الطفل الأول: بتعقمله كل الأدوات اللي بياكل فيها واللي بيلعب فيها واللي ممكن يلمسها وبتقله "بتكب أي شي بيوقع منك على الارض وأوعى تاكله"
-
الطفل الثاني: بتقله "إذا وقع منك أكل عالأرض بتغسلها بشوية مي وبتاكلها"
-
الطفل الثالث: بتقله "إذا وقع منك أكل عالأرض بتمسحها بأواعيك وبتاكلها"
الخروج:
-
الطفل الأول: بتتركه عند أختها و بتتصل تطمن عليه كل خمس دقايق
-
الطفل الثاني: بتتركه عند الجيران وهي على الباب بتتذكر انها لازم تترك رقم تليفون المكان اللي رايحه عليه
-
الطفل الثالث: بتتركه مع أي حدا بيعرض عليها يخليه عنده مع التحذير بأنه ما حدا يتصل فيها إلا لما يكون الموضوع مصيري وفيه دم
الاهتمام بالصحة: إذا بلع الطفل ليرة
-
الطفل الأول: بتسود الدنيا بعيونها وبيغمى عليها وممكن يصيبها سكري من الزعل وبتعمل أشعة للولد عند خمس ست دكاترة وبتبعت النتائج على كذا دولة عربية وأجنبية لتطمن أكتر وتعرف رأيهم بالموضوع
-
الطفل الثاني: بتخاف عليه شوي وبتستنى لتشوف إذا انهضموا معه المصاري ولا لأ؟
-
الطفل الثالث: بتعصب عليه وبتبهدله هوي وعم يبكي وبتخصمها من مصروفه
Tags: أم طفل خوف اهتمام صحة نظافة قلق عناية حمل
